Klarna-ն թողարկում է ChatGPT plugin-ը անհատականացված առցանց գնումների համար. Fintech.am Արհեստական ​​բանականությունը կօգնի օգտատիրոջը ոչ միայն ընտրել ճիշտ ապրանքը, այլև համեմատել տարբեր ապրանքանիշերի գները: Եվրոպայում հայտնի շվեդական վճարային ընկերությունն այս շաբաթ ներկայացրեց ChatGPTplugin-ը, որի խնդիրն է օգտատերերին պրոդուկտի անհատականացված առաջարկություններ տրամադրել: Հաճախորդը տեղադրում է Klarna plugin-ն իր համակարգչում: ChatGPT-ն ավտոմատ կերպով, երկխոսության հիման վրա, կտա որոշակի չափանիշներով առավել հարմար ապրանքների ցուցակ: Հավելվածում կարող եք շարունակել զրույցը և պարզաբանել ապրանքների որոշ բնութագրեր կամ դրանց գնման պայմանները։ Klarna-ի գլխավոր տնօրեն Սեբաստիան Սեմիատկովսկին ասել է, որ plugin-ը շատ հեշտ է օգտագործել և դրա ֆունկցիոնալությունը մեծ պահանջարկ ունի: Ընկերությունը հայտնել է, որ plugin-ը նախ հասանելի կլինի ChatGPT Plus-ի բաժանորդներին ԱՄՆ-ում և Կանադայում, այնուհետև կտարածվի կլինի այլ վայրերում: