Reebok-ը կվերսկսի աշխատանքը Ռուսաստանում

Սպորտային հագուստ, կոշիկներ և աքսեսուարներ արտադրող ամերիկյան Reebok ընկերությունը կրկին կվերսկսի աշխատանքը Ռուսաստանում։ Համապատասխան տեղեկությունը հայտնվել է ապրանքանիշի հավելվածում, որի սքրինշոթը հրապարակում է News.ru-ն։ Հայտնի է, որ հավատարմության ծրագրի անդամները սկսել են նամակներ ստանալ, որոնցում հաճախորդներին խնդրում են տվյալներ փոխանցել թուրքական FLO Retailing հոլդինգի ռուսական ստորաբաժանմանը։ Նշված մանրածախ վաճառողը մայիսին ձեռք է բերել Reebok-ը. ընկերությունը ստացել է ապրանքանիշի ավելի քան 100 վաճառքի կետ: Հիշեցնենք, որ Reebok-ը հայտարարել է մարտի 13-ից Ռուսաստանում մանրածախ վաճառքի դադարեցման մասին։ Մարտին Adidas-ին պատկանող Reebok ապրանքանիշը վաճառվել է American Authentic Brands Group-ին 2,1 մլրդ եվրոյով։ Ավելի վաղ հայտնի էր դարձել, որ թուրքական FLO Retailing հոլդինգը կսկսի իր ապրանքանիշերի արտադրանքը վաճառել Wildberries և Ozon շուկաներում։ Ըստ Wildberries-ի ներկայացուցչի, վաճառքում կհայտնվեն սպորտային և ամենօրյա կոշիկների ավելի քան 200 ապրանքանիշեր: Նրանց թվում են Գարամոնդը, Միսս Ֆը, Լամբերջակը և այլք: