Twitter-ը կունենա տեքստի ձևաչափման նոր գործառույթ

Ամերիկացի ձեռնարկատեր Իլոն Մասկը հայտարարել է, որ Twitter-ը կունենա տեքստի ֆորմատավորման հնարավորություններ։ Այս մասին նա հայտնել է սոցցանցի իր էջում։ «Այս եռամսյակում մենք կավելացնենք պարզ ձևաչափման առանձնահատկություններ, ինչպիսիք են թավը, ընդգծվածը և տառաչափը», - գրել է նա: Մասկը դա բացատրել է նրանով, որ պետք է թույլ տալ սոցցանցի օգտատերերին ամբողջական տեքստեր հրապարակել Twitter-ում, այլ ոչ թե ստիպել նրանց օգտվել այլ կայքերից։ Միևնույն ժամանակ, ձեռնարկատերը նշել է, որ սոցիալական ցանցը «կշարունակի խորհուրդ տալ հակիրճ թվիթերում»։ Ավելի վաղ Իլոն Մասկը հայտարարել էր Twitter-ի մի քանի նոր գործառույթների մասին, ներառյալ երկար գրառումների մեկնարկը և ինտերֆեյսի զանգվածային թարմացումը: Սոցցանցի սեփականատերը խոսել է նաև հարթակի ինտերֆեյսի լայնածավալ թարմացման «առաջին մասի» մասին։ Նա դեռ չի բացահայտել այս թարմացման մանրամասները։