Միջազգային էներգետիկ գործակալությունը կոչ է արել Եվրոպային պատրաստվել ռուսական գազի մատակարարումների դադարեցմանը Միջազգային էներգետիկ գործակալության (IEA) ղեկավար Ֆաթիհ Բիրոլը The Financial Times-ին տված հարցազրույցում կոչ է արել Եվրոպային նախապատրաստվել առաջիկա ձմռանը ռուսական գազի մատակարարումների դադարեցմանը։ «Եվրոպան պետք է պատրաստ լինի նրան, որ ռուսական գազն ամբողջությամբ կդադարեցվի»,- ասել է Բիրոլը։ Նա կարծում է, որ Ռուսաստանի իշխանությունները կարող են էներգետիկ ռեսուրսներն օգտագործել որպես քաղաքական ճնշման լծակ։ Բիրոլը արդարացված է անվանել եվրոպական կառավարությունների գործողությունները ՝ վերագործարկելու ածխով աշխատող էլեկտրակայանները։ Միաժամանակ Բիրոլը նշում է, որ այդ քայլը ժամանակավոր է. այն թույլ կտա խնայել առկա գազի պաշարները ձմեռային շրջանը հաղթահարելու համար։ Ավելի վաղ Գերմանիայի էներգետիկայի նախարար Ռոբերտ Հաբեկը հայտարարել էր, որ երկիրը սկսելու է գազի խնայողության «ցավոտ» սխեման, որը ներառում է ածուխի օգտագործումը էլեկտրաէներգիա արտադրելու համար։