2022թ. երկրորդ եռամսյակում ՀՀ համախառն արտաքին ակտիվներն աճել են 17.39%-ով Այս տարվա Երկրորդ եռամսյակի ընթացքում Հայաստանում համախառն արտաքին ակտիվների ծավալն աճել է 511.38 մլն դոլարով կամ 17.39%-ով և կազմել 3.452 մլրդ դոլար։ Սա են վկայում կենտրոնական բանկի հրապարակված ցուցանիշները: Մասնավորապես, միջազգային պահուստներն աճել են 17.35%-ով և կազմել 3.45 մլրդ դոլար։ Իսկ զուտ արտաքին ակտիվների ծավալն աճել է 19.58%-ով և կազմել 2.559 մլրդ դոլար։