2021 թվականին սովից տուժել է ավելի քան 800 միլիոն մարդ

Միավորված ազգերի կազմակերպությունը նախազգուշացրել է, որ սովը վերջ տալու համաշխարհային ջանքերը ձախողվում են: Այսպիսով, 2021 թվականին 828 միլիոն մարդ բավարար սնունդ չի ունեցել, ինչը 150 միլիոնով ավելի է, քան 2019 թվականի ցուցանիշը՝ մինչև COVID-19 համաճարակը: https://youtu.be/5VtX7-NgEdk Պարենային անվտանգության և սննդի վիճակի մասին զեկույցը ՄԱԿ-ի հինգ գործակալությունների, այդ թվում Պարենի և գյուղատնտեսության կազմակերպության և Պարենի համաշխարհային ծրագրի համատեղ ջանքերի արդյունք է: Նրանց տվյալները ցույց են տալիս, որ պարենային անապահովության և թերսնման հիմնական պատճառներն են հակամարտությունները, կլիմայի փոփոխությունը և տնտեսական ցնցումները՝ զուգորդված աճող անհավասարությունների հետ: 2021 թվականին մոտ 2,3 միլիարդ մարդու հասանելի չի եղել սննդարար սնունդը: Աֆրիկայում աճում է սովը, որտեղ տուժել է 278 միլիոն մարդ: Ասիայում 425 միլիոն մարդ զգացել է ճգնաժամի ազդեցությունը, իսկ Լատինական Ամերիկայում և Կարիբյան ավազանում՝ 56,5 միլիոն մարդ: