Արևի էներգիան Տավուշում նաև տնտեսական խնդիրներ է լուծել

Արևի էներգիան Տավուշում նաև տնտեսական խնդիրներ է լուծել: Բերդ խոշորացված համայնքի 11 բնակավայրում համայնքային ենթակայության 20 շենք-շինության վրա 350 կվտ հզորությամբ արևային ֆոտովոլտային կայաններ են տեղադրվել: Արժեքը 110 մլն դրամ է, խոշորացված համայնքի հետ ծրագիրը իրականացնում է Հայաստանի տարածքային զարգացման հիմնադրամը՝ ԱՄՆ կառավարության միջոցներով: Արևային խնայողությունները խոշորացված համայնքում կուղղեն նույն համակարգի զարգացմանը, փողոցների գիշերային լուսավորությանը: Նպատակ կա Բերդը դարձնել կանաչ համայնք, ավելացնել արևային պանելները, խթանել վերականգնվող էներգիայի զարգացումը: Տարածքային զարգացման հիմնադրամի ռազմավարությունն է Հայաստանի տարածքում տեղադրել նմանատիպ 65 կայան: