ՊԵԿ-ն ամփոփել է ստուգումները. ՀԴՄ կիրառման կանոնների խախտման 9600, աշխատողին չգրանցելու 1187 դեպք

Առևտուր անելիս ՀԴՄ կտրոն տրամադրելը կամ աշխատողներին գրանցելը օրենք է, որի մասին գիտի յուրաքանչյուր տնտեսվարող, բայց թվային տվյալները ցույց են տալիս, որ կան բիզնեսներ, որոնք դեռ խուսափում են հարկ վճարելուց: ՊԵԿ-ն ամփոփել է 10 ամսվա հարկային ստուգումների տվյալները: 2022 թվականի հունվար-հոկտեմբերին ՊԵԿ-ը իրականացրել է ՀԴՄ-ների կիրառման կանոնների պահպանման 16 հազար ստուգում , որից 9600-ի դեպքում խախտում է արձանագրվել: Կիրառվել է 2.3 մլրդ դրամի տուգանք, որը 15 տոկոսով կամ 3 մլն դրամով ավելի է նախորդ տարվա նույն ժամանակահատվածի տվյալներից: Նույն ժամանակահատվածում 2300 տնտեսվարողի մոտ էլ ստուգել են չգրանցված աշխատողի առկայության դեպքեր: 1187 խախտում է հայտնաբերվել, ըստ որի տվյալ բիզնեսներում է եղել 1911 չգրանցված աշխատող: Այս դեպքով կազմվել է 478 մլն դրամ տուգանք : Յուրաքանչյուր չգրանցված աշխատողի համար 250 հազար դրամ: