Արցախում կխթանվի արևային ջրատաքացուցիչների և էլեկտրակայանների օգտագործումը

Հաշվի առնելով արևային ջրատաքացուցիչների էներգաարդյունավետությունը, Արցախում 2023 թվականի բյուջետային տարում նախատեսվում է պետական աջակցության գործող ծրագրում ընդգրկել նաև գազԻֆիկացված գյուղերը: Արցախի տարածքային կառավարման և ենթակառուցվածքների նախարարության ներկայացուցիչը հայտնել է, որ այս պահին հայտ ներկայացրած 155 շահառուից ծրագրից օգտվել է 66-ը: Ընդ որում 31 արևային ջրատաքացուցիչ տեղադրվել է միայն Կոլխոզաշեն գյուղում, ինչը նշանակում է, որ գյուղի տնային տնտեսությունների գրեթե 50 տոկոսը ձեռք է բերել այդ համակարգերը: Արևային ջրատաքացուցիչների տեղադրման ծրագրից օգտվելու համար 9 գյուղից հայտագրված է ևս 90 շահառու: Հիշեցնենք, որ Պետական ծրագրով անցած տարի 16 արևային ջրատաքացուցիչներով են ապահովվել նաև Արցախում գործող Երկարօրյա դպրոցները: