Google-ի եւ Facebook-ի գովազդների հարկման շնորհիվ Հայաստանում հայտարարագրվել է 1 մլրդ դրամ ԱԱՀ
Տարեսկզբից Հայաստանում Google-ում եւ Facebook-ում տեղադրվող գովազդների հարկման շնորհիվ հայտարարագրվել է 1 միլիարդից ավելի ավելացված արժեքի հարկ , որից այս պահի դրությամբ վճարվել է 800 միլիոն դրամը: Հիշեցնենք, որ 2021-ին ընդունված օրենքի փոփոխության ժամանակ նախատեսվում է, որ կհավաքվի առնվազն 20 մլրդ դրամ լրացուցիչ հարկ։ Ավելին, օրենքի նախագծի հեղինակները վստահ էին, որ այն հավասար մրցակցություն կսահմանի տեղական եւ դրսի ընկերությունների միջև, որոնք Հայաստանում ծառայություններ են մատուցում։