Հանցավոր ծագում ունեցող 100 մլն դրամը փոխանցվել է պետական բյուջե Երևանի բիզնես կենտրոններից մեկի գրասենյակում գործող հանցավոր խումբը կեղծ ներդրումային հարթակներ օգտագործելով՝ հեռահար մուտք է կատարել եվրոպական քաղաքացիների բանկային հաշիվներին և կատարել առանձնապես խոշոր չափերի հափշտակություններ: Հափշտակված գումարները փոխանցվել և կանխիկացվել են կրիպտոարժույթների միջոցով։ Նախաքննության ընթացքում երկու անձի մեղադրանք է առաջադրվել հանցավոր կազմակերպություն ստեղծելու և համակարգչային հափշտակություն կատարելու համար։ Հանցավոր եկամուտներից 100 մլն դրամը փոխանցվել է պետական բյուջե։ Նախաքննությունը շարունակվում է: