Զբոսաշրջության ոլորտում Վրաստանի եկամուտը հունվար-օգոստոս ամիսներին ավելացել է 1,5 անգամ Ընթացիկ տարվա հունվար-օգոստոս ամիսներին Վրաստանի եկամուտը զբոսաշրջության ոլորտում գերազանցել է 2,1 միլիարդ դոլար, ինչը 1,5 անգամ գերազանցում է 2021 թվականի նույն ժամանակվա տվյալները։ Վրաստանի էկոնոմիկայի նախարարությունը հայտնում է, միայն օգոստոսին այս ոլորտից Վրաստանը ունեցել է 522 միլիոն դոլար եկամուտ: Ի դեպ, այս ցուցանիշը գերազանցում է ոչ միայն նախորդ տարվա, այլ նաև 2019-ի ցուցանիշը: Զբոսաշրջության վարչությունը հայտնել է նաև, որ այս տարվա հունվար-օգոստոսին ավելի քան 617 հազար Ռուսաստանի քաղաքացի զբոսաշրջային ուղևորություն է կատարել Վրաստան, ինչը գրեթե վեց անգամ ավելի է, քան նաորդ տարվա ցուցանիշը։ Այս վիճակագրությամբ այս տարի Վրաստան ամենաշատ այցելած երկրների ցանկում Ռուսաստանն առաջատարն է: