Որո ՞նք են աշխարհի հիմնական ֆոնդային ինդեքսները

ինանսական շուկաների կատարողականը որոշելու և շուկայի միտումների մասին տեղեկատվություն ստանալու համար օգտագործվում են տարբեր ինդեքսներ: Ներկայացնենք հիմնականները. S&P 500 - Standard and Poor's 500-ի հապավումն է, որն իրենից ներկայացնում է ամերիկյան 500 առաջատար ընկերությունների բաժնետոմսերից կազմված ֆոնդային շուկայի ինդեքս և ընդգրկում է շուկայական կապիտալիզացիայի մոտ 75-80%-ը: Dow Jones Industrial Average - ցուցանիշը ներառում է ԱՄՆ-ի 30 խոշոր ընկերությունները, որոնց բաժնետոմսերը շրջանառվում են ամերիկյան բորսաներում։ Nasdaq-100 - ամերիկյան ֆոնդային շուկայի ինդեքս է, որը ներառում է ամենամեծ կապիտալիզացիա ունեցող 100 խոշորագույն ոչ ֆինանսական ընկերությունները, որոնց բաժնետոմսերը ցուցակված են Nasdaq բորսայում։ Russell 2000 Index - ներառում է ամենափոքր շուկայական կապիտալիզացիա ունեցող 2000 ընկերությունների բաժնետոմսեր: Nikkei 225 - ընդգրկում է Ճապոնիայի 225 խոշոր հրապարակային ընկերությունների բաժնետոմսերը, որոնք շրջանառվում են Տոկիոյի բորսայում: FTSE 100 - ընդգրկում է ամենամեծ կապիտալիզացիա ունեցող 100 խոշորագույն ընկերությունները, որոնց բաժնետոմսերը շրջանառվում են Լոնդոնի ֆոնդային բորսայում: CAC 40 - Փարիզի ֆոնդային շուկայի ինդեքս է, որը ներառում է Ֆրանսիայի 40 խոշորագույն ընկերությունների բաժնետոմսերը: DAX - Գերմանիայի Ֆրանկֆուրտի ֆոնդային բորսայում ամենամեծ կապիտալիզացիա ունեցող 30 ընկերությունների ինդեքսն է: