ՀԿԵ-ն փոխադրել է 1,5 մլն տոննա բեռ Այս տարվա առաջին կիսամյակում ՙՀարավկովկասյան երկաթուղի՚ ընկերությունը փոխադրել է 1,5 մլն տոննա բեռ: Արտահանման համար փոխադրվել է 223,6 հազար տոննա բեռ, գրեթե նույնքան, ինչ նախորդ տարի, ներմուծման համար փոխադրել է 31,5%-ով ավելի, քան 2021 թվականին: Հայաստանի ներսում փոխադրվել է 926,3 հազար տոննա` 2021 թվականի առաջին կիսամյակի համեմատ 6,4% անկումով: Հաշվետու ժամանակահատվածում փոխադրվել է 148 հազար տոննա արդյունաբերական հումք եւ 75,3 հազար տոննա կոնտեյներային բեռ: Փոխադրվել է նաեւ 188,6 հազար տոննա նավթամթերք, ինչը 16,8%-ով գերազանցում է 2021թ. ցուցանիշը: 2022 թվականի հուլիսի 1-ից Փոթի, Բաթումի, Սամտրեդիա կայարաններից Հայաստանի ուղղությամբ արագացված կոնտեյներային գնացքի կազմում մեծ տարողությամբ բեռնարկղերի փոխադրման միասնական միջանցիկ դրույքաչափ է սահմանվել: Այս տարի ՀԿԵ-ն կշարունակի բեռնափոխադրման համար շարժակազմի նորոգումն ու թարմացումը: Ընկերությունը նախատեսում է մինչեւ տարեվերջ գնել 48 նոր կիսավագոն: