Հիմնադրամը վատթարացրել է համաշխարհային տնտեսության աճի կանխատեսումը

Արժույթի միջազգային հիմնադրամը ընթացիկ տարում երկրորդ անգամ վատթարացրել է 2022 թվականի համաշխարհային տնտեսության աճի իր կանխատեսումը՝ 3,6%-ից մինչեւ 3,2%, հունվարին սպասվում էր 4,4% աճ։ 2023թ. գնահատականն իջեցվել է մինչեւ 2,9%՝ ապրիլին սպասվող 3,6%-ով աճի փոխարեն: Զգալիորեն նվազել է Միացյալ Նահանգների ՀՆԱ աճի կանխատեսումը. 2022 թվականին՝ 1,4 տոկոսով՝ մինչեւ 2,3%, 2023 թվականին՝ 1,3 տոկոսով՝ մինչեւ 1%: Ընթացիկ տարում էապես կրճատվել է Չինաստանի տնտեսության աճի կանխատեսումը՝ 4,4%-ից մինչեւ 3,3% Ընթացիկ տարվա համար ԱՄՀ-ն բարելավել է Ռուսաստանի տնտեսության դինամիկայի գնահատականը՝ ակնկալելով, որ այն կնվազի 6%-ով, այլ ոչ թե ինչպես կանխատեսվում էր ապրիլին՝ 8,5%։ Միաժամանակ, վատթարացել է 2023 թվականի կանխատեսումը. Ռուսաստանի ՀՆԱ նվազումը, ըստ հիմնադրամի, կկազմի 3,5%՝ նախկին 2,3% կանխատեսման համեմատ։