Հայաստանում STARMUS փառատոնի միջոցառումներին մասնակցելու է մոտ 100.000 այցելու Սեպտեմբերի 5-ից 10-ը Հայաստանում անցկացվող STARMUS միջազգային փառատոնի ընթացքում ակնկալվում է ունենալ մոտ 100,000 այցելու։ STARMUS փառատոնը համարվում է աշխարհում միակը, որն ունենում է նման մասշտաբի միջոցառումներ և խոսնակներ ։ Փառատոնի ընթացքում անցկացվող միջոցառումները տարբեր են և ընդգրկում են թե՛ դասախոսություններ ու համերգներ, և թե՛ գիտական ճամբարներ, կլոր-սեղաններ, որոնք նպատակ են ունենում հանրայնացնելու գիտությունը և հասանելի դարձնելու այն լայն շրջանակների համար; Հենց այս փառատոնի ընթացքում է շնորհվում նաև աշխարհահռչակ գիտնական Սթիվեն Հոքինգի հեղինակավոր շքանշանը, որը ճանաչում է գիտության հանրայնացման գործում ներդրումը։