Կառավարությունն աշխատում է Հայաստանում արբանյակների արտադրություն հիմնելու ուղղությամբ. ԲՏԱ նախարար Իր առաջին արբանյակը տիեզերք արձակելուց երկու ամիս անց Հայաստանի կառավարությունը հայտարարում է, որ աշխատում է երկրում արբանյակների արտադրություն հիմնելու ուղղությամբ: Հայտարարել է Բարձր տեխնոլոգիական արդյունաբերության նախարարը: Նա նշել է, որ խոսքը կապի արբանյակների մասին չէ, դա Երկրի հեռահար զոնդավորման արբանյակ է: Ռոբերտ Խաչատրյանի խոսքով Հայաստանում արբանյակների արտադրության գործում այս պահին որպես հիմնական գործընկեր բանակցում են իսպանական Satlantis-ի հետ։ Հենց այս ընկերության հետ գործակցելով Հայաստանի կառավարությունը այս մայիսին տիեզերք արձակեց ArmSat-1 արբանյակը։ Բարձր տեխնոլոգիական արդյունաբերության նախարարը հայտնել է նաև, որ առաջիկա երկու տարվա ընթացքում Հայաստանը տիեզերք է արձակելու իր երկրորդ արբանյակը։