Կառավարությունը մասնակի կփոխհատուցի աշնանացան ցորենի մշակության ծախսը

Ցորենի ցանքատարածքների ավելացման ու բերքատվության բարձրացմանը նպաստելու նպատակով Հայաստանի կառավարությունը սկսում է ֆերմերային տնտեսությունների աջակցության նոր ծրագիր : Մասնակի կփոխհատուցեն աշնանացան ցորենի մշակության ծախսը: Ծրագրից կարող է օգտվել մինչև 100 հեկտար ցանքս անողը: Առաջարկ կա նաև չհավաստագրված սերմացու օգտագործողի համար: Այս դեպքում հեկտարի հաշվով կփոխհատուցեն 70 հազար դրամ: Երկրի տարեկան պահանջարկը 360 հազարից 370 հազար տոննա է, ինչի զգալի մասը՝ 270 հազարը, ներմուծվում է: Պարենային անվտանգության խնդիր Հայաստանը չունի, 2022-ի պահանջարկի ամբողջ խմբաքանակն արդեն ներկրված է: Ծրագիրն իրականացվում է ոչ միայն պարենի ինքնաբավության մակարդակը բարձրացնելու նպատակով, այլև՝ որ չմշակվող հողերը մշակվեն: