Բոլոր առաջնային ուղղություններում առաջին 5 ամսում աճ է գրանցվել Ավտոմոբիլ, երկաթուղի, օդային ճանապարհ. լավագույն քառյակը եզրափակում են մայրուղային խողովակաշարային փոխադրումները: Հայաստանում այս բոլոր ուղղություններում աճ է գրանցվել, իսկ ընդհանուր առմամբ բեռնափոխադրման ծավալը առաջին 5 ամսում աճել է 9.7 տոկոսով: Հիմնական աճն ապահովել է ավտոմոբիլային փոխադրումը՝ 10.1 տոկոս, երկաթուղային փոխադրումը 1.8 տոկոսով են աճել, օդային բեռնափոխադրումն աճել է 1.6, իսկ մայրուղային խողովակաշարային փոխադրումը՝ 19.1 տոկոսով: Ըստ ոլորտի ներկայացուցիչների լոգիստիկան տնտեսության երակն է, և եթե առաջիկայում լուծվի նաև լաստանավային փոխադրման հարցը, ծավալն ավելի կմեծանա: Տարվա երկրորդ կիսամյակը, ըստ վիճակագրության, սովորաբար ավելի ակտիվ է բեռնափոխադրման համար, և ակնկալվում է, որ ներկա տեմպը առնվազն կպահպանվի: