Moody’s-ը նվազեցրել է G20 երկրների աճի կանխատեսումները 2022-2023թթ. համար

Moody’s միջազգային վարկանիշային գործակալությունը նվազեցրել է G20 երկրների տնտեսական աճի կանխատեսումները 2022 եւ 2023 թվականների համար: Moody’s-ի նոր G20 կանխատեսումների համաձայն՝ երկրների ՀՆԱ-ն այս տարի կաճի 2,5%-ով, ոչ թե՝ 3,1%-ով, ինչպես սպասվում էր մայիսին։ 2023 թվականի աճի կանխատեսումը 2,9%-ից իջեցվել է մինչեւ 2,1%։ Թեեւ տնտեսական հեռանկարը «աներկբա բացասական է, գործակալության փորձագետները նշում են, որ վիճակի կայունացման ազդանշաններ կան 2022 թվականի անհանգիստ առաջին կիսամյակից հետո, երբ մակրոտնտեսական անբարենպաստ անակնկալներն ուղեկցվել են ֆինանսական շուկաներում կտրուկ անկայունությամբ: Օրինակ Ռուսաստանի տնտեսությունը, ըստ Moody’s-ի կանխատեսման, այս տարի կնվազի 7%-ով, իսկ հաջորդ տարի՝ 3%-ով։