Մենք Իրանին կհարվածենք այնպիսի ուժով, որպիսին նախկինում երբեք չի տեսնվել․ Թրամփ

ԱՄՆ նախագահ Դոնալդ Թրամփը նախազգուշացրել է Իրանին, որը պատրաստվում է հարձակումների նոր ալիքի։

«Թեհրանը հենց նոր հայտարարեց, որ այսօր պատրաստվում է շատ ուժգին հարված հասցնել։ Ավելի լավ է՝ նրանք դա չանեն, որովհետև եթե անեն, մենք նրանց կհարվածենք այնպիսի ուժով, որպիսին նախկինում երբեք չի տեսնվել»,- գրել է նա Truth Social սոցիալական ցանցում։

Հիշեցնենք, որ կիրակի գիշերը իրանական պետական հեռուստատեսությունը հայտարարեց Գերագույն առաջնորդ Ալի Խամենեիի մահվան մասին։ ԱՄՆ-ի և Իսրայելի հարձակումների զոհ են դարձել նաև այաթոլլայի դուստրը, փեսան, թոռը և հարսը։ Մեկնաբանելով այս լուրը՝ Թրամփը հայտարարել է, թե այժմ դիվանագիտական կարգավորման հասնելն իբր ավելի հեշտ կլինի։