Huawei-ը պատրաստվում է թողարկել Huawei Watch Buds խելացի ժամացույցը, որը նաև գործում է որպես պատյան՝ անլար ականջակալները լիցքավորելու և պահելու համար։ Այս մասին հայտնում է Gizmodo պորտալը։Նոր սարքի վերին կափարիչը ետ է թեքվում. դրա տակ ականջակալներն են տեղադրված հատուկ խորշերում։ Արտաքինից ժամացույցը հիշեցնում է Huawei Watch 3 մոդելը, սակայն թողարկման մասին այլ մանրամասներ դեռ չկան։ Ինչ վերաբերում է ականջակալներին, ապա դրանք նման չեն արտադրողի կողմից նախկինում թողարկված ոչ մի մոդելի:
Սպասվում էր, որ ընկերության նոր գաջեթների շնորհանդեսը տեղի կունենա դեկտեմբերի 2-ին, սակայն այն անորոշ ժամանակով հետաձգվեց։ Այնուամենայնիվ, հաշվի առնելով նախորդ հայտարարության ճշգրիտ ամսաթիվը, կարող ենք ասել, որ Huawei Watch Buds-ն արդեն լիովին պատրաստ է գնալ խանութներ:
Ավելի վաղ Xiaomi-ն չեղարկել էր դեկտեմբերի 1-ին կայանալիք լայնածավալ շնորհանդեսը ՝ Չինաստանի նախկին նախագահ Ցզյան Զեմինի մահվան պատճառով։ Միջոցառմանը նրանք նախատեսում էին ցուցադրել առաջատար Xiaomi 13 շարքի սմարթֆոններ, Buds 4 Pro ականջակալներ, Watch 2S ժամացույցներ, համակարգիչ և ընկերության այլ նորույթներ։
