Mir վճարային համակարգի քարտերը կարող են օգտագործվել արտասահմանյան 11 երկրներում։ Այս մասին հաղորդվում է վճարային համակարգի կայքում։ «Արդեն այսօր դուք կարող եք վճարել ապրանքների կամ ծառայությունների համար և/կամ Mir քարտից գումար հանել Թուրքիայի, Վիետնամի, Հայաստանի, Հարավային Կորեայի, Ուզբեկստանի, Բելառուսի, Ղազախստանի, Ղրղզստանի, Տաջիկստանի բանկոմատներից»,- ասվում է հաղորդագրության մեջ։ Բացի այդ, Mir քարտերով կարելի է վճարել նաև Հարավային Օսիայում և Աբխազիայում։ Ավելի վաղ Ռուսաստանում Նիգերիայի դեսպան Աբդուլահի Շեհուն հայտնել էր, որ երկրի ֆինանսական կառույցները ռուս գործընկերների հետ քննարկում են երկրում Mir վճարային համակարգի քարտերից օգտվելու հնարավորությունը։ Հաղորդվել է, որ Հարավային Կորեայում սկսել են ընդունել ռուսական «Միր» վճարային համակարգի քարտեր ՝ ապրանքների և ծառայությունների դիմաց վճարելու համար։
Հուլիսի 13-ին Ռուսաստանի բանկերի ասոցիացիայի նախագահ Գարեգին Թոսունյանը հայտարարել էր, որ «Միր» քարտերի ընդունումը պետք է ապահովվի Ռուսաստանին բարեկամ երկրների տարածքում, այդ թվում ՝ նախկին ԱՊՀ և Հարավարևմտյան Ասիայի պետություններում։
JavaScript seems to be disabled in your browser. You must have JavaScript enabled in your browser to utilize the functionality of this website.
Մեկնաբանություն