Սաուդյան Արաբիան նոյեմբերին շատ ավելի քիչ նավթ է մատակարարել ԱՄՆ և Չինաստան, քան հոկտեմբերին։ Այս ցուցանիշները նվազել են համապատասխանաբար 300,000 և 304,000 բարելով օրական,- հայտնում է Bloomberg-ը ՝ վկայակոչելով բեռնափոխադրումների հետևման տվյալները:
Սաուդյան Արաբիայից ԱՄՆ նավթի արտահանումը հոկտեմբերի համեմատ նվազել է օրական 304 բարելով ՝ հասնելով օրական 83000 բարելի։ Սա ամենացածր ցուցանիշն է 2017 թվականից ի վեր։ Նոյեմբերին Չինաստան մատակարարումների ծավալը կազմել է օրական 1,6 մլն բարել, ինչը 300 հազար բարել/օր պակաս է նախորդ ամսվա համեմատ»,- ասվում է նյութում։
Սաուդյան Արաբիայից Չինաստան նավթի մատակարարումների ծավալը հասել է 2020 թվականից ի վեր ամենացածր մակարդակին։ Թագավորությունից Չինաստան եւ ԱՄՆ հումքի արտահանումը դարձել է «բացառիկ փոքր»։ Համեմատության համար նշենք, որ սեպտեմբերին Սաուդյան Արաբիայից ԱՄՆ նավթի մատակարարումները հասել են ամենաբարձր ցուցանիշին վերջին երկու տարվա ընթացքում ՝ օրական 667 հազար բարել,- նշվում է հոդվածում։
Դեկտեմբերի 1-ին ֆինանսների փոխնախարար Ադեուալ Ադեյեմոն ասել է, որ Եվրամիությունը (ԵՄ) կկարողանա համաձայնության գալ ռուսական նավթի գնի վերջնական սահմանի շուրջ մինչև դեկտեմբերի 5-ը ՝ չնայած Լեհաստանի հետ տարաձայնություններին։ Ավելի վաղ Reuters-ը հայտնել էր, որ ԵՄ դեսպանները գրեթե համաձայնության են եկել ռուսական նավթի գնի 60 դոլարի սահմանագծի շուրջ։ Միևնույն ժամանակ, Վարշավան պնդում էր, որ նշաձողը սահմանվի 30 դոլար։
