Հայաստանում գործարկվել է Google Pay վճարային ծառայությունը: Mastercard–ի քարտապանը լրացուցիչ հնարավորություն է ստանում մեկ հպումով արագ, անվտանգ, պարզ և հարմարավետ կերպով վճարել գնումների դիմաց՝ գործածելով սմարթֆոններ և այլ սարքեր ամբողջ աշխարհով մեկ, որտեղ հասանելի է անհպում վճարումների տեխնոլոգիան:
Google Pay-ը վճարման արագ, անվտանգ և պարզ միջոց է: Այն միավորում է գործարքի ժամանակ ձեզ անհրաժեշտ ամեն ինչ և վճարման հետ կապված ամբողջ ինֆորմացիան ապահով պահում է ձեր Google հաշվում, մինչև պատրաստ լինեք վճարել:
Սմարթֆոնի սեփականատերը կկարողանա գործածել Հայաստանի բանկերի թողարկած Mastercard-ի դեբետային և կրեդիտային քարտերը, որոնք կարող են ավելացվել Google Wallet-ում։
Քարտապանը պետք է սմարթֆոնում ներբեռնի հավելվածը Google Play Store-ից, մուտք գործի իր Google հաշիվ և ավելացնի վճարման եղանակը: Դեբետային և կրեդիտային քարտերը կարող են ավելացվել Google Pay-ում, նաև քարտապանը պետք է համոզվի, որ գործածողի սարքը համատեղելի է NFC-ի հետ:
Վճարման համար քարտապանը պետք է սարքը մոտեցնի անհպում վճարային տերմինալին:
Մեկնաբանություն