Համաշխարհային տնտեսության հեռանկարներն ավելի մռայլ են, քան կանխատեսվում էին անցած ամիս, ասել է Արժույթի միջազգային հիմնադրամը՝ վկայակոչելով վերջին ամսին գնումների գծով մենեջերների հարցումների ցուցանիշների վատթարացումը։ ԱՄՀ-ն ավելի մռայլ կանխատեսման համար մեղադրել է դրամավարկային քաղաքականության խստացումը, որն առաջ է եկել կայուն բարձր գնաճով պայմանավորված, Չինաստանում աճի թույլ տեմպը, նաեւ պարենային անվտանգության բացակայությունը՝ Ուկրաինայում պատերազմի պատճառով։ Ավելի վաղ ԱՄՀ-ն իջեցրել էր 2023թ. գլոբալ աճի կանխատեսումը՝ 2,7 տոկոս նախորդ 2,9 տոկոսից։
Հիմնադրամը կարծում են, որ էներգետիկ ճգնաժամի խորացումը Եվրոպայում լուրջ վնաս կհասցնի տնտեսական աճին եւ կբարձրացնի գնաճը, այն դեպքում, երբ շարունակվող բարձր գնաճը կարող է հանգեցնել տոկոսադրույքների ավելի զգալի, քան սպասվում էր, բարձրացման եւ գլոբալ ֆինանսական պայմանների խստացման։ Դաժան եղանակային պայմանները նույնպես կվնասեն աճի տեմպին ամբողջ աշխարհում։
