Չինաստանի մշակույթը, լեզուն ու սովորույթներն են Էջմիածին բերել Հայստանի Կոնֆուցիուսի ինստիտուտի ներկայացուցիչները եվ Հայաստանում Չինաստանի դեսպանությունը: Հայաստանում մեծանում է Չինաստանի նկատմամբ հետաքրքրությունն ու չինական կողմը որոշել է հնարավորինս լայն տեղեկություն տալ իրենց երկրի մասին:
Հայ-չինական դիվանագիտական հարաբերությունների 31 ամյակը կողմերը նշել են նախորդ շաբաթ: Վստահ են, թիվն այս դեռ աճելու է, հարաբերությունները` էլ ավելի ամրանալու:
Դեռ առաջին դարում են չինացի եվ հայ առևտրականները ստորագրել առաջին բիզնես գործարքը: Ու սրանով հայ-չինական կապը չի ավարտվել:
Կայուն ու առողջ են Հայաստանի եվ Չինաստանի հարաբերությունները: Գործակցությունը ակտիվորեն զարգանում է առեվտրատնտեսական, կրթական եվ մշակութային ոլորտներում: Ու որպեսզի հայ երիտասարդները եվս հնարավորություն ունենան դառնալ այդ հարաբերությունների զարգացման մասը, նրանց մանրամասն ներկայացվում է Չինաստանի վիզային ռեժիմի կարգը, կրթաթոշակային ծրագրերը, Չինաստանում ամառային ճամբարների մասնակցության եվ այլ տարբեր հնարավորությունների մանրամասները:
3500-ից ավելի մարդ է այսօր մեր երկրում չինարեն լեզուն սովորում: Սա միայն Հայաստանում Կոնֆուցիուսի ինստիտուտի միջոցով չինարենին մոտեցողների թիվն է: Մասնավոր հատվածում չինարենով հետաքրքվողների թիվն ավելի շատ է:
