Ռուսական ածուխի ընկերությունները 2022 թվականին 24%-ով ավելացրել են մատակարարումները Հարավային Կորեա ՝ զեղչերի պատճառով։ Այս մասին գրում է «Կոմերսանտ»-ը՝ հղում անելով «Արգուս» ռուսական ածուխի զեկույցին։ Ռուսաստանը 2022 թվականին ավելացրել է ջերմային ածխի արտահանումը Հարավային Կորեա՝ Ավստրալիայից մատակարարումների կրճատման ֆոնին, որն այս երկրի համար ածխի հիմնական աղբյուրն է։ 2022 թվականի վերջին Ավստրալիայից ածխի բոլոր տեսակների ներմուծումը 2021 թվականի համեմատությամբ կրճատվել է 25%-ով, իսկ Ռուսաստանն ավելացրել է մատակարարումները 24%-ով ՝ մինչև 26,5 մլն տոննա ածուխ։
Հրատարակությունը նշել է, որ թեև Հարավային Կորեան գտնվում է ոչ բարեկամ երկրների ցանկում, արտահանման աճը պայմանավորված է տրամադրված զեղչերով և առաքման բարենպաստ ժամկետներով։ Միևնույն ժամանակ, Ռուսաստանից ածուխ արտադրողները դեռևս առաջարկում են զեղչված մատակարարումներ, քանի որ Հարավային Կորեայից գնորդները պատրաստ են իրականացնել 2023 թվականի երկրորդ եռամսյակի իրենց գնումների պլանները։
Վերլուծաբանները գտնում էին, որ 2023 թվականին շուկայում իրավիճակը աստիճանաբար պակաս դրական է դառնում, քանի որ Ասիայում ածխի գներն ընկել են ամենացածր մակարդակին ՝ 2022 թվականի ապրիլից ի վեր։ Գրեթե նույն վիճակն է Եվրոպայում։ Միևնույն ժամանակ գների անկումը կապված է Եվրոպայում տաք եղանակի և պահանջարկի անկման հետ, սակայն դեռևս անհնար է խոսել ածխի նկատմամբ հետաքրքրության համակարգված նվազման մասին։
