Ռուսաստանը դարձել է չինական ավտոմեքենաների խոշորագույն գնորդը

Երկրորդ տեղում է Միացյալ Թագավորությունը՝ 627 միլիոն դոլարի ներմուծմամբ։

2026 թվականի փետրվարին Ռուսաստանը դարձել է Չինաստանի մարդատար ավտոմեքենաների ամենամեծ գնորդը։

Չինական վիճակագրության համաձայն՝ ռուսական ներմուծումների ընդհանուր արժեքը կազմել է 856 միլիոն դոլար՝ զգալիորեն աճելով նախորդ ամսվա 655 միլիոն դոլարի համեմատ։

Այսպիսով, Ռուսաստանը առաջ է անցել մյուս խոշոր շուկաներից և զբաղեցրել առաջին տեղը։

Երկրորդ տեղում է Միացյալ Թագավորությունը՝ 627 միլիոն դոլարի ներմուծմամբ։

Նշվում է, որ նախորդ ամսվա տվյալներով Ռուսաստանը զբաղեցնում էր միայն չորրորդ հորիզոնականը, ինչը վկայում է կարճ ժամանակում գրանցված կտրուկ աճի մասին։

Այս միտումը պայմանավորված է ինչպես ռուսական շուկայում արևմտյան ավտոմեքենաների նվազող ներկայությամբ, այնպես էլ չինական արտադրողների ակտիվ ընդլայնմամբ։