Բուլղարիան համաձայնության է եկել ԱՄՆ-ի հետ հոկտեմբերին մեկ լցանավ հեղուկացված բնական գազի (LNG) մատակարարման վերաբերյալ։ հայտնում է ՓՐԱՅՄ-ը։
Ավելի վաղ ԱՄՆ-ի և Բուլղարիայի միջև պայմանագիր էր կնքվել միանգամից յոթ լցանավի մատակարարման վերաբերյալ, սակայն գործարքը կնքած Կիրիլ Պետկովի կառավարությունը հրաժարական տվեց։ Իրավահաջորդ տեխնիկական կառավարությունը պետք է հաստատեր պատվերը, սակայն Cheniere Energy-ն, ըստ տեղեկությունների, հրաժարվել է երկարաձգել առաջարկը:
Նշվում է, որ բուլղարական իշխանությունները չեն կարող ընդունել նոյեմբեր և դեկտեմբեր ամիսներին միանգամից երկու լցանավեր, քանի որ չեն կարողանում մատչելի գնով սլոտներ տրամադրել դրանց բեռնաթափման համար։Ավելի վաղ հաղորդվել էր, որ Բուլղարիան բանակցություններ է վարում «Գազպրոմի» հետ գազի մատակարարումը վերսկսելու համար։ Միաժամանակ, բուլղարական Bulgargaz ընկերության ներկայացուցիչը նշել է, որ ներկայումս երկրում գազային ճգնաժամ է զարգանում, և վառելիքի գները կբարձրանան 60%-ով։
