Հարավային Կորեայի սպորտային կոմիտեի ավագ հաշվապահը, ով կառավարում է զանգվածային սպորտի պետական միջոցները, խոստովանել է, որ գողացել է հարկատուների գումարները ՝ կրիպտոարժույթի դիմաց։
Հարավային Կորեայի Մոկպո քաղաքի սպորտային խորհրդի աշխատակիցը, ով պատասխանատու է տեղական սիրողական և կիսապրոֆեսիոնալ սպորտային թիմերի գործառնական ծախսերի համար, գողացել է ավելի քան 367,000 դոլար։
Մի քանի ամիս առաջ սպորտի կոմիտեն բախվել էր բյուջետային անսպասելի խնդիրների. պաշտոնյաները հաշվեհամարից անկանոն, տարօրինակ կանխիկացումներ են հայտնաբերել, ծախսերի համար ավելորդ գումարներ գանձվել։
Շուտով ավագ հաշվապահներից մեկը դադարել է աշխատանքի ներկայանալ։ Կինը կասկածվել է պետական միջոցների յուրացման մեջ, և ոստիկանությունը նրան հարցաքննել է։ Հարցաքննության ժամանակ պաշտոնյան իրեն մեղավոր է ճանաչել ՝ նշելով, որ 2022 թվականի մարտից սկսած 20 անգամ «պետական փող է հափշտակել»։
Հաշվապահին հասանելի է եղել մարզիչների աշխատավարձի ֆոնդը և թիմերին և անհատ մարզիկներին որպես սուբսիդիա տրամադրվող գումարը: Կինը շրջանցել է «ներքին մոնիտորինգի համակարգերը» և օգտվել որոշ բացերից։
Ոստիկանությունից հայտնել են, որ կինը գողացված գումարը փոխանցել է ամուսնու հաշվեհամարին։ Այնուհետև զույգը գումարը ծախսել է կրիպտո ակտիվներում ներդրումներ կատարելու համար: Կինը պատմել է, որ գողացված միջոցների մի մասն անձամբ է ներդրել բիթքոյններում։
Միջադեպը զգալի ֆինանսական վնաս է հասցրել սպորտկոմիտեին, և արդյունքում այն այժմ չի կարող ամբողջությամբ վճարել մարզիչների և այլ անձնակազմի աշխատավարձերը։
Հիշեցնենք, որ 2021 թվականին Աբխազիայի նախագահն առաջարկել էր պատժել պաշտոնյաներին կրիպտոարժույթների անօրինական մայնինգի համար։
