Կանադական Candy Funhouse քաղցրավենիքի առցանց խանութը փնտրում է մեկին, ով համտեսում է կոնֆետ ՝ ամսական $100,000 կանադական դոլարով ($78,000): Այս մասին չորեքշաբթի հայտնել է Agence France-Presse-ը։
«Անցյալ տարվա սկզբին մենք փնտրում էինք «քաղցրավենիքի փորձագետներ» ՝ մեր կոնֆետները համտեսելու համար: Այժմ մենք ունենք նրանցից երեքը, և մենք փնտրում ենք գլխավոր կոնֆետի, ով կառաջնորդի քաղցրավենիքի թիմը ամենաքաղցր ճանապարհով», — գործակալությանը հայտնել է Candy Funhouse-ի ներկայացուցիչը:
Պաշտոնապես Linkedin առցանց հարթակում տեղադրված թափուր աշխատատեղը հնչում է որպես «գլխավոր կոնֆետների մասնագետ»։ Նրա պարտականությունները, բացի հիմնական համտեսողի գործառույթներից, կներառեն նոր ապրանքների հաստատումը, գործընկերների հետ հանդիպումների կազմակերպումը։
Առաջարկը բաց է հինգ տարեկան և բարձր բոլորի համար: Թեկնածուին ներկայացվող հիմնական պահանջներն են «ոսկե համի առկայությունը» և «քաղցրավենիքի հանդեպ անդիմադրելի ցանկությունը»։ Ընկերությունն արդեն ստացել է ավելի քան 100000 ռեզյումե։ Որպես բոնուս ՝ խանութի նոր աշխատակիցը կստանա «երկարաձգված ատամնաբուժական ապահովագրություն»։
