Օգոստոսի 1-ից ուժի մեջ կմտնի Ռուսաստանից Ճապոնիա ոսկու ներկրման արգելքը, որը սահմանվել է Ուկրաինայում ռազմական գործողությունների պատճառով պատժամիջոցների շրջանակներում։ Այս մասին ասվում է Ճապոնիայի ֆինանսների նախարարության կայքում հրապարակված փաստաթղթում։
Ռուսական ոսկու գնման սահմանափակումները Տոկիոն հաստատել է հուլիսի 5-ին։ Նաև պատժամիջոցների այս փաթեթի շրջանակներում սեպտեմբերի 5-ից արգելք կդրվի Ռուսաստանին հաշվապահական, աուդիտորական, խորհրդատվական և հավատարմագրային գործառնությունների ծառայությունների մատուցման համար։
Հուլիսի սկզբին Ճապոնիան թարմացրեց Ռուսաստանի դեմ պատժամիջոցների ցանկը ՝ դրան ավելացնելով 57 ֆիզիկական անձ և վեց ընկերություն։ Պատժամիջոցների տակ էին Ռուսաստանի փոխվարչապետ Դմիտրի Գրիգորենկոն, Խերսոնի շրջանի ռազմաքաղաքացիական վարչակազմի ղեկավար Վլադիմիր Սալդոն, նրա տեղակալ Կիրիլ Ստրեմուսովը և այլ անձինք։
Տոկիոյում Ռուսաստանի դեսպան Միխայիլ Գալուզինը զգուշացրել է, որ Ռուսաստանի դեմ նոր պատժամիջոցները դատապարտված են ձախողման և վնաս կհասցնեն հենց Ճապոնիային։
