Պատմական իրադարձություն Հայաստանի անշարժ գույքի շուկայի համար: «Ռենշին» ընկերությունն ու Եվրոպայի ամենահեղինակավոր հյուրանոցային օպերատորը՝ Կեմպինսկին հայտարարում են գործակցության մասին: Դա ArtLife Kempinski Residences YEREVAN-ի բնակիչներին հնարավորություն կտա ունենալ միջազգային ստանդարտին համապատասխան լյուքս դասի բնակարան ու ապրել հարմարավետ միջավայրում:
Հայաստանում առաջին անգամ բնակարանում կիրառվելու են 5 աստղանի հյուրանոցի ստանդարտները: ArtLife Kempinski Residences Yerevan-ը հայկական ավանդական ճարտարապետության և ժամանակակից Art Deco էսթետիկայի համադրությամբ Երեւանի կենտրոնում, իսկ ավելի կոնկրետ Տերյան 107 հասցեում բազմաբնակարան ֆունկցիոնալ համալիր է: Այն կունենա բուլվար և հրապարակ աշխարհի լյուքս դասի առաջատար բրենդների ընդարձակ բուտիկներով: Համալիրում կլինեն բարձրակարգ ռեստորաններ, բարեր և սրճարաններ, սպա և առողջության կենտրոն, էսթետիկ բժշկության կլինիկա, փակ ու բաց լողավազան, տանիքի լաունջ և սքվոշի կորտեր: Բազմաֆունկցիոնալ համալիրը կունենա նաեւ միջոցառումների եւ մանկական ժամանցի կենտրոններ, պատկերասրահ, սիգար-սրահ, մասնավոր կինոթատրոն, գոլֆի սիմուլյատոր, գեղեցկության սրահ: Նախագիծը ներառում է նաև ընդարձակ ավտոկայանատեղի և ուղղաթիռի վայրէջքի հարթակ: Բրենդավորումը ներառում է հյուրանոցային ցանցի կառավարման, սպասարկման, տեխնիկական ստանդարտների ամբողջական և լիարժեք ներդրում: Դեռեւս նախագծման փուլում համալիրը ներդրել է եվրոպական ստանդարտ տեխնինական, անվտանգության և սպասարկման առումով: Համալիրը շահագործման կհանձնվի ամբողջությամբ նորոգված բնակարաններով: Դրանից հետո համալիրում այլեւս նորոգում չի իրականացվի:
Ռենշին ընկերության օպերացիոն տնօրենը շեշտում է ArtLife Kempinski Residences-ը հերթական թաղամասը չէ, այն Հայաստանի միջազգային հայտն է անշարժ գույքի ոլորտում: Շահագործման կհանձնվի 2025 թվականին: ArtLife Kempinski Residences Yerevan-ը Երևանին կհաղորդի նոր շունչ և կսահմանի նոր մոտեցումներ անշարժ գույքի ոլորտում:
Ընկերության նախագծերի կառավարման բաժնի ղեկավարը համոզված է` համալիրը փոխելու է մայրաքաղաքի կենտրոնի մասին ավանդական պատկերացումը, դառնալու է տուրիստների սիրելի վայրերից մեկը: ArtLife Kempinski Residences Yerevan-ը նաև ներդրումային խոշոր ծրագիր է: Ներդրումը գերազանցում է 80 միլիարդ դրամը։
