Հուլիսի 4-ին` ՀՀ Սահմանադրության և պետական խորհրդանշանների տոնի նախօրեին, և հուլիսի 5-ին Երևանում որոշ փողոցներ փակ կլինեն, հայտնում են «Մենք» պետական և ազգային արժեքների հանրահռչակման հիմնադրամի մամուլի ծառայությունից։
«Tricolor» Yerevan Night Run գիշերային վազքով պայմանավորված` հուլիսի 4-ին 20.00-ից փակ կլինի Վազգեն Սարգսյանի անվան փողոցը, իսկ 23.00-ից կփակվի Հանրապետության հրապարակը:
Ժամը 00.00-ից կփակվեն նաև Շահումյանի անվան հրապարակը, ինչպես նաև Նալբանդյան, Թումանյան և Աբովյան փողոցները (մասնակի):
Հուլիսի 5-ին` ՀՀ սահմանադրության և պետական խորհրդանշանների օրը, տեղի կունենա ավանդական տոնական քայլերթ, որը կմեկնարկի Ազատության հրապարակից` անցնելով Մաշտոցի պողոտայով, Ամիրյան փողոցով, և կավարտվի Հանրապետության հրապարակում։
Այդ օրը 19.00-ից մինչև 20։00 երկկողմանի փակ կլինեն Մաշտոցի պողոտան և Ամիրյան փողոցը։ Ժամը 19։00-ից մինչ 22։00–ն փակ կլինի Հանրապետության հրապարակը, որտեղ տոնական համերգ տեղի կունենա։
JavaScript seems to be disabled in your browser. You must have JavaScript enabled in your browser to utilize the functionality of this website.
