Ընթացիկ տարվա արդյունքներով Ռուսաստանը 20%-ով կավելացնի Մոնղոլիա և Չինաստան արտահանվող էլեկտրաէներգիայի ընդհանուր ծավալները։ Միաժամանակ, դեպի Չինաստան արտահանման աճը կաճի 16%-ով, TACC-ը մեջբերել է էներգետիկայի նախարար Նիկոլայ Շուլգինովի խոսքերը։
«Այս տարի կարելի է ասել դեպի Արևելք էլեկտրաէներգիայի արտահանման աճի մասին, այսինքն ՝ ընդհանուր առմամբ Չինաստան և Մոնղոլիա արտահանումն աճել է 20%-ով, իսկ Չինաստան մինչև տարեվերջ կավելանա մոտ 16%-ով»,- ասել է Շուլգինովը։Միաժամանակ, եվրոպական երկրներ էլեկտրաէներգիայի արտահանման նվազման պատճառով Ռուսաստանի եվրոպական մասում և Ուրալում ընթացիկ արտադրությունը նվազել է։
Դեկտեմբերի 22-ին «Կոմերսանտ» թերթը հայտնել էր, որ այս միտումը սկսվել է 2022 թվականի ամռանը և պայմանավորված է Մոսկվայի դեմ միջազգային պատժամիջոցներով։ Արդյունքում, Ռուսաստանի եվրոպական մասում և Ուրալում էլեկտրաէներգիայի արտադրությունը այս ժամանակահատվածում նվազել է տարեկան 1,2%-ով, իսկ Հյուսիսարևմտյան դաշնային օկրուգի էներգետիկ համակարգում ՝ ավելի քան 3%-ով:
