Մեծ Բրիտանիան, կապված Եվրոպայում շարունակվող էներգետիկ ճգնաժամի հետ, սկսել է հեղուկ բնական գազ գնել Ավստրալիայից։ Այս մասին հայտնում է Bloomberg-ը ՝ հղում անելով Kpler էներգետիկ վերլուծական ընկերության տվյալներին,- փոխանցում է РИА Новости-ն։ Եվրոպան 2016 թվականից ի վեր հեղուկ բնական գազ չի գնում Ավստրալիայից,- ասվում է զեկույցում։
Kpler-ը նշել է, որ հեղուկ բնական գազը Ավստրալիայից Մեծ Բրիտանիա է առաքվում Attalos լցանավերով: Ինչպես նշում է Bloomberg-ը, նավը պետք է հասնի իր նպատակակետին օգոստոսի 22-ին։ Նշվում է, որ Եվրոպա հեղուկացված բնական գազի հիմնական մատակարարներն են ԱՄՆ-ը, Կատարը և Պերուն։ Ասիական-խաղաղօվկիանոսյան տարածաշրջանից ներմուծումը բավականին հազվադեպ է, քանի որ այն տնտեսապես անշահավետ է ասիական երկրների բարձր պահանջարկի և փոխադրումների չափազանց երկարատևության ֆոնին:
Ավելի վաղ հաղորդվում էր, որ Եվրոպայում գազի գինը հազար խորանարդ մետրի դիմաց հասել է 2600 դոլարի։ Նման տվյալներ է ներկայացնում Լոնդոնի ICE բորսան։ Եվրոպական շուկան գազի մատակարարման հետ կապված խնդիրներ ունի Ուկրաինայում ռազմական գործողությունների սկսվելուց հետո։ Ռուսական գազի արտահանումը նվազել է Արևմուտքի կողմից պատժամիջոցների սահմանումից հետո։ Հյուսիսային հոսքով մատակարարումները զգալիորեն նվազել են, իսկ Յամալ-Եվրոպա խողովակաշարն ամբողջությամբ դադարեցվել է։
