ԱՄՆ աշխատանքի դեպարտամենտի զեկույցի համաձայն օգոստոսին երկրում աշխատատեղերի թիվն ավելացել է 142,000-ով, իսկ գործազրկության մակարդակը 4.3%-ից նվազել է մինչև 4.2%:
ԱՄՆ առևտրային հաշվեկշռի պակասուրդը հուլիսին նախորդ ամսվա համեմատ աճել է 7.9%-ով և կազմել 78.8 միլիարդ դոլար՝ հասնելով վերջին 2 տարիների առավելագույն մակարդակին։
ՌԴ կենտրոնական բանկի կողմից կատարված հարցումների արդյունքներով տարեվերջին երկրում սպասվում է 7.3% գնաճ, ինչը բավականին բարձր է թիրախային 4% գնաճից։ Վերլուծաբանների կանխատեսմամբ ԿԲ-ն սեպտեմբերին կայանալիք նիստին վերաֆինանսավորման տոկոսադրույքը կսահմանի 18%՝ այն մինչև տարեվերջ բարձրացնելու հեռանկարով։
ԱՄՆ աշխատաշուկայի վերաբերյալ ոչ բարենպաստ զեկույցի հրապարակումից հետո նավթի գները նվազել են ավելի քան 2%-ով։ Brent տեսակի նավթի գինը կազմել է 71.06 դոլարի մեկ բարելի դիմաց՝ գրանցելով 2021թ. դեկտեմբերից ի վեր նվազագույն արժեքը։
Չինաստանի արտարժույթի պահուստների ծավալը օգոստոսին աճել է 31.8 միլիարդ դոլարով և կազմել 3.28 տրիլիոն դոլար՝ հասնելով 2015թ.-ից ի վեր առավելագույն մակարդակին։
