![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2024/07/ABNSPHOTO-32-2.png)
ՀՀ վիճակագրական կոմիտեի տվյալներից տեղեկանում ենք, որ միջին ամսական անվանական աշխատավարձը Հայաստանում 2024 թվականի մայիսին կազմել է 276 889 ՀՀ դրամ։ Ընդ որում տղամարդկանց պարագայում միջին ամսական աշխատավարձը եղել է 344 640 ՀՀ դրամ, իսկ կանանց դեպքում՝ 213 240 ՀՀ դրամ։
Ոլորտային դիտարկմամբ ցուցանիշն ամենաբարձրը եղել է տեղեկատվության և կապի ոլորտում՝ 850 743 ՀՀ դրամ, տղամարդկանց պարագայում այն եղել է 1 027 387 ՀՀ դրամ, կանանց պարագայում՝ 604 587 ՀՀ դրամ։
Հաջորդել է ֆինանսական և ապահովագրական գործունեության ոլորտը՝ 803 560 ՀՀ դրամ, տղամարդկանց պարագայում ցուցանիշը կազմել է՝ 1 155 154 ՀՀ դրամ, իսկ կանանց պարագայում՝ 571 840 ՀՀ դրամ։ Ֆինանսական և ապահովագրական ոլորտում տղամարդկանց աշխատավարձը առանձին ոլորտային դիտարկմամբ ամենաբարձրն է և գերազանցում է տեղեկատվության և կապի ոլորտի նույն ցուցանիշը։
![Ո՞ր ոլորտներում են ամենաբարձր աշխատավարձերը Հայաստանում. մայիս 2024թ. 1 Ո՞ր ոլորտներում են ամենաբարձր աշխատավարձերը Հայաստանում. մայիս 2024թ.](https://how2b.am/wp-content/uploads/sites/2/2024/07/121212-1024x614.png)
Հաջորդում են հանքարդյունաբերության ոլորտը՝ 475 550 ՀՀ դրամ, պետական կառավարման, պաշտպանության, պարտադիր սոցիալական ապահովության ոլորտը՝ 401 183 ՀՀ դրամ, էլեկտրականության, գազի, գոլորշու և լավորակ օդի մատակարարման ոլորտը՝ 335 282 ՀՀ դրամ և մշակույթի, զվարճությունների և հանգիստի ոլորտը՝ 324 223 ՀՀ դրամ միջին ամսական անվանական աշխատավարձերով։
Ամենացածր մակարդակը գրանցվել է կրթության՝ 156 295 ՀՀ դրամ և կացության ու հանրային սննդի կազմակերպման ոլորտում՝ 142 305 ՀՀ դրամ։
Մեկնաբանություն