8 ամսվա տվյալով եկամուտ ապահոված աշխատատեղերի ամսական միջին թիվը կազմել է մոտ 663 հազար Այս տարվա 8 ամսվա տվյալով` եկամուտ ապահոված աշխատատեղերի ամսական միջին թիվը կազմել է մոտ 663 հազար, ինչը նախորդ տարվա համադրելի ժամանակաշրջանի ցուցանիշը գերազանցում է 36.8 հազարով կամ 6%-ով: Ընթացիկ տարվա 8 ամսվա արդյունքով միջին ամսական եկամուտը կազմել է 159.4 մլրդ դրամ, ինչը գերազանցում է նախորդ տարվա ցուցանիշը 20%-ով: Եկամուտ ապահոված աշխատատեղերի մեջ ամենամեծ տեսակարար կշիռ ունեցող հինգ ոլորտներն ենª մեծածախ և մանրածախ առևտուր, մշակող արդյունաբերություն, առողջապահություն և բնակչության սոցիալական սպասարկում, կացություն և հանրային սննդի կազմակերպում, նաև տեղեկատվություն ու կապ: