Վաղվա սպասվող իրադարձություններ

????Ի ՞նչ է սպասվում 02.08.23-ին ⚡️ՄԻԵԴ-ում հայ ռազմագերիների շահերի ներկայացուցիչ Սիրանուշ Սահակյանի ասուլիսը ՄԻԵԴ-ում հայ ռազմագերիների շահերի ներկայացուցիչ Սիրանուշ Սահակյանի հետ հարցազրույցը Մեդիա կենտրոնում տեղի կունենա օգոստոսի 2-ին՝ ժամը 12-ին։ Թեման՝ «Ադրբեջանի կողմից Վագիֆ Խաչատրյանի առևանգումը՝ մարդու իրավունքների կոպտագույն խախտում․ ի՞նչ միջոցներ է պետք ձեռնարկել»։ ⚡️Հրապարակվելու են մուլտիպլեքսում հանրապետական սփռման մրցույթի մասնակիցների հայտերը Հեռուստատեսության և ռադիոյի հանձնաժողովում օգոստոսի 2-ին՝ ժամը 12-ին, հրապարակվելու են hանրային մուլտիպլեքսում սլոթի օգտագործման լիցենզավորման հանրապետական սփռման մրցույթի մասնակիցների հայտերը: ⚡️Կրթական, մշակութային և ժամանցային Jazz business միջոցառում Օգոստոսի 2-ին՝ ժամը 14։30-ին, Իսահակյան 14 հասցեում գտնվող Friend's House հակասրճարանում տեղի կունենա Jazz business միջոցառմանը նվիրված մամուլի ասուլիս։ ⚡️Մաչանենց արվեստի միջազգային սիմպոզիում 2023 Օգոստոսի 1-ից 7-ը «Հայ Միասնության Խաչ» ԲՄՀԿ-ում տեղի կունենա «Խաղաղության կնիք» խորագրով «Մաչանենց արվեստի միջազգային սիմպոզիում 2023»-ը: Սիմպոզիումին մասնակցելու է 82 գեղանկարիչ 15 երկրից։ ⚡️«Բալայան» արտ ստուդիայի սաների «Գույներն են խոսում» ցուցահանդեսը «Բալայան» արտ ստուդիայի սաների «Գույներն են խոսում» խորագրով ցուցահանդեսը տեղի կունենա օգոստոսի 2-ին՝ ժամը 18–ին, Հայաստանի նկարիչների միության «Մարտիրոս Սարյան» ցուցասրահում։ Ցուցահանդեսը բաց է օգոստոսի 2-ին եւ 3-ին։ ⚡️«Մեծամորի գաղտնիքը» բաներային ցուցադրություն Օգոստոսի 2-ին՝ ժամը 13-ին, սիրով հրավիրում ենք Երևանի մետրոպոլիտենի «Հանրապետության հրապարակ» կայարան՝ ներկա գտնվելու «Մեծամորի գաղտնիքը» խորագրով բաներային ցուցադրությանը: ⚡️Ազգային ինքնության ճգնաժամի խնդիրը Պերֆորմանսի մասնագետ, մշակութաբան, Լոմոնոսովի անվան Մոսկվայի պետական համալսարանի և դիզայնի բրիտանական բարձրագույն դպրոցի դասախոս Մարիա Անտոնյանը կանդրադառնա ժամանակակից մշակույթի թեժ թեմաներից մեկին՝ նկատի ունենալով ազգային ինքնության ճգնաժամի խնդիրը։ Օգոստոսի 2-ին, ժամը 20-ին: