Mastercard-ը գործարկել է Touch Card-ը, որը նախատեսված է կույր և թույլ տեսողություն ունեցող հաճախորդների համար վճարումները հեշտացնելու համար,- գրում է Fintech.am-ը։
Նշվում է, որ Mastercard-ն ավստրալացի իր հաճախորդներին կտրամադրի Touch Card-ի նոր առաջարկ։ Նոր քարտի դիզայնը ունի պարզ կտրվածքներ, որոնք օգնում են տեսողության խնդիրներ ունեցող մարդկանց ճանաչել իրենց դեբետային, վարկային կամ կանխավճարային քարտերը:
Նոր դիզայնը համահունչ է քարտերի ձևավորման ժամանակակից միտմանը, քանի որ այժմ շատ քարտեր այժմ ունեն հարթ ձևավորումներ, չունեն դաջված անուններ կամ թվեր և հետևաբար, դժվար է նույնականացնել և ճիշտ օգտագործել կույր կամ տեսողության խնդիրներ ունեցող մարդկանց համար:
Mastercard’s Touch Card-ը նախքան թողարկումը վերանայվել և հաստատվել է ԱՄՆ-ի Կույրերի հասարակության և Մեծ Բրիտանիայի Կույրերի ազգային թագավորական ինստիտուտի կողմից:
Մամուլի հաղորդագրության մեջ ընդգծվում է այն կարևորությունը, թե որքան փոքր, բայց պարզ փոփոխությունները կարող են դրականորեն ազդել տեսողության խնդիրներ ունեցող կամ կույր մարդկանց վրա: Նոր տարբերակը Mastercard-ի ռազմավարության մի մասն է՝ վերջնական լուծումներ տրամադրելու համար:
