![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2022/08/88201d660ed40ca2879038bdd2a45e60.webp)
Նավթի համաշխարհային գները երեքշաբթի օրը փոքր-ինչ նվազել են ՝ կապված Իրանից համաշխարհային շուկա սև ոսկու մատակարարումների վերականգնման հեռանկարների հետ,- վկայում են առևտրի տվյալները։
Brent տեսակի նավթի հոկտեմբերյան ֆյուչերսների արժեքը ժամը 07:48-ի դրությամբ նվազել է 0,21%-ով ՝ հասնելով 96,45 դոլարի ՝ մեկ բարելի դիմաց, WTI-ի սեպտեմբերյան ֆյուչերսները ՝ 0,22%-ով, մինչև 90,56 դոլար,- փոխանցում է РИА Новости-ն։
Ավելի վաղ Իրանի և ԱՄՆ-ի բանակցողները հայտարարել էին, որ պատրաստվում են Վիեննա ՝ անուղղակի բանակցությունների հերթական փուլի համար։ Վաշինգտոնը կարող է չեղարկել իրանական նավթի արտահանման դեմ պատժամիջոցները ՝ միջուկային արդյունաբերության ոլորտում Իրանի զարգացումը կասեցնելու դիմաց։ Եթե երկրները գան կոնսենսուսի, դա Իրանի համար հնարավորություն կբացի 8-10 ամսվա ընթացքում օրական մոտ 1 մլն բարելով ավելացնել արդյունահանումը։
«Իրանից մատակարարումների հնարավոր վերսկսման մասին խոսակցությունները շարունակում են անհանգիստ պահել շուկան», — Bloomberg-ին ասել է CIBC Private Wealth Management-ի էներգիայի ավագ թրեյդեր Ռեբեկա Բաբինը:
«Առևտրի ծավալը մնում է բավականին համեստ, և այս պահին մեծ ջանքեր չեն պահանջվում շուկան շարժելու համար», — ավելացրել է նա:
Մեկնաբանություն