ՊԵԿ-ը մարզերում կշարունակի հայտարարագրման իրազեկման հանդիպումները

Մասնակցության համար անհրաժեշտ է նախապես գրանցվել՝ ուղարկելով տվյալները [email protected] էլեկտրոնային հասցեին։

Պետական եկամուտների կոմիտեն շարունակում է ՀՀ մարզերում իրականացնել եկամուտների տարեկան հայտարարագրման գործընթացի վերաբերյալ իրազեկման միջոցառումներ։

Ապրիլի 10-ից կմեկնարկի մարզային այցելությունների երկրորդ փուլը։

ՊԵԿ-ի հարկ վճարողների սպասարկման վարչության մասնագետները քաղաքացիների հետ հանդիպումների ընթացքում կներկայացնեն հայտարարագրման կարգը, ինչպես նաև կանդրադառնան առողջության համընդհանուր ապահովագրությանը վերաբերող հարցերին։

Հանդիպումները կանցկացվեն հետևյալ ժամանակացույցով․

• ապրիլի 10, 11:00 — Եղեգնաձոր
• ապրիլի 14, 15:00 — Սևան
• ապրիլի 15, 15:00 — Աբովյան
• ապրիլի 17, 15:30 — Կապան
• ապրիլի 18, 10:30 — Գորիս

Բացի այդ, ապրիլի 8-ից Երևանում (Կոմիտաս 35) ամեն չորեքշաբթի՝ ժամը 17:00-ին կանցկացվեն լրացուցիչ հանդիպումներ։

Միջոցառումների ընթացքում քաղաքացիներին կներկայացվեն հայտարարագրի լրացման քայլերը, իսկ համապատասխան նույնականացման քարտ ունեցող անձինք հնարավորություն կունենան տեղում լրացնել և ներկայացնել իրենց հայտարարագիրը։

Մասնակցության համար անհրաժեշտ է նախապես գրանցվել՝ ուղարկելով տվյալները [email protected] էլեկտրոնային հասցեին։