Համաշխարհային բանկը հրապարակել է Հայաստանի տնտեսական զարգացման ամսական զեկույցը

Համաշխարհային բանկը (ՀԲ) հրապարակել է Հայաստանի տնտեսական զարգացման ամսական կտրվածքով ամփոփագիրը, ըստ որի՝ տնտեսական ակտիվության աճի տեմպը սեպտեմբերին դանդաղել է՝ հասնելով 5.3%-ի, որն օգոստոսին 10.9% էր: Զեկույցում նշվում է, որ սա հիմնականում պայմանավորված է ծառայությունների ոլորտի կտրուկ անկմամբ: «Հոկտեմբերին գնաճը կայունացել է՝ կազմելով 0.1%, ինչը սեպտեմբերին դարձել է 0.1% գնաճի: Դրա պատճառով միջին գնաճը նվազել է՝ հասնելով 2.5%-ի, ինչը բավական ցածր է 4% թիրախից: Արտահանման աճի տեմպը սեպտեմբերին գերազանցել է ներմուծման աճի տեմպը: Արտահանման աճը սեպտեմբերին կազմել է 9.6%, որն օգոստոսին 7% էր»,- ասված է ՀԲ ամփոփագրում: Նշվում է, որ Լեռնային Ղարաբաղի տեղահանվածների հոսքին հաջորդած ժամանակավոր արժեզրկումից հետո ՀՀ դրամը կայունացել է: «Սեպտեմբերին գրանցվել է բյուջեի 3 միլիարդ ՀՀ դրամ հավելուրդ: Ընդհանուր եկամուտներն ու դրամաշնորհները սեպտեմբերին ավելացել են 9.3%-ով: 2023 թ. առաջին ինն ամիսներին եկամուտներն եւ ծախսերն ավելացել են, համապատասխանաբար՝ 13.8 եւ 12.7%-ով: Ֆինանսական համակարգը պահպանել է կայունություն՝ վարկերն ու ավանդներն ավելացել են, համապատասխանաբար՝ 2 եւ 0.6%-ով»,- ասված է ՀԲ զեկույցում Զեկույցին կարելի է ծանոթանալ այստեղ: