Հայաստանի տարածքային զարգացման հիմնադրամը Ջերմուկը վերածել է մեծ շինհրապարակի: Այս կադրերն արվել են սեպտեմբերի 13-ից առաջ: Ադրբեջանի ագրեսիայից օրեր անց շինաշխատանքը վերսկվել է ավելի մեծ թափով: Տեղական տնտեսության զարգացման ծրագրով Ջերմուկում իրագործվում է 7 ենթածրագիր: Մնացած ֆինանսավորումը Կառավարությանն է: Զուգահեռ՝ Ջերմուկը վերականգնվում է նաև սեպտեմբերի 13-ի Ադրբեջանի վայրագություններից: Կառավարությունն ագրեսիայից վնասներ կրած 3 մարզին՝ Գեղարքունիքին, Սյունիքին ու Վայոց ձորին, հատկացրել է 50-ական միլիոն դրամ՝ անհրաժեշտ պարենային և վթարավերականգնիչ աշխատանքի համար: 60 ընտանիք արդեն սկսել է բնակարանների վերականգնումն ու նորոգումը: 18-ը կսկսի մոտ օրերս: Մինչև բնակարանների կառուցումը՝ 8 ընտանիքի կհատկացվեն վարձակալած տներ կամ կացարաններ: Սյունիքում էլ վերականգնում են հրետակոծությունից վնասված 18 բնակելի տների ու շենքերի տանիքները, վնասված հատակի, պատերի նորոգման և այլ աշխատանքները նույնպես ընթացքի մեջ են:
