Հայաստանի 2023թ․–ի ամենաշահութաբեր բանկերի վարկանիշը «ԱՌԿԱ» գործակալությունը հրապարակում թշէ Հայաստանի ամենաշահութաբեր առևտրային բանկերի վարկանիշը՝ 2023 թվականի արդյունքներով։ Հայաստանի բանկային համակարգի զուտ շահույթը 2023 թվականի վերջին կազմել է 229,8 մլրդ դրամ՝ 2022 թվականի 253․6 մլրդ դրամի դիմաց։ Նշենք, որ Հայաստանում գործող 18 բանկերից շահույթով է գործել բանկ։ «ԱՌԿԱ» գործակալության վարկանիշային աղյուսակի համաձայն՝ շահույթով առաջատարների հնգյակում են Արդշինբանկը, Ամերիաբանկը, Ակբա Բանկը, Ինեկոբանկը և  Այ Դի բանկը: Առաջին հնգյակին բաժին է ընկնում բանկային ամբողջ շահույթի 78%-ը կամ մոտ 179,4 մլրդ դրամը։ «ԱՌԿԱ» գործակալության տվյալներով՝ Արդշինբանկը 2023 թվականի գործառնական արդյունքների հիման վրա դարձել է երկրի ամենաշահութաբեր բանկը՝ պահպանելով 2022 թվականին ձեռք բերված առաջատարի դիրքերը։ Բանկի զուտ շահույթը կազմել է 62,7 մլրդ դրամ՝ 2022 թվականին ստացված 62,2 մլրդ դրամ շահույթի դիմաց (աճը՝ 0․7%)։ Երկրորդ տեղում է Ամերիաբանկը՝ 46,1 մլրդ դրամ շահույթով՝ 2022 թվականի 44,3 մլրդ դրամի համեմատ (աճը՝ 4%)։ Երրորդը Ակբա բանկն է, որը 2023 թվականին ստացել է 28,6 մլրդ դրամի շահույթ՝ 2022 թվականի 22,6 մլրդ դրամի համեմատ (աճը՝ 26․6%),- մանրամասն՝ arka.am: