Ներմուծումը Հայաստանի Հանրապետություն՝ ըստ երկրների. 2023թ. հունվար-հոկտեմբեր ՀՀ վիճակագրական կոմիտեի հրապարակած տվյալների համաձայն 2023թ. հունվար-հոկտեմբեր ամիսներին ներմուծման ծավալները Հայաստան կազմել են 9.650 մլրդ դոլար։ 2022թ. համադրելի ցուցանիշի համեմատ ներմուծման ծավալներն աճել են 42.87%-ով կամ 2.89 մլրդ դոլարով։ Ներմուծման ամենամեծ ծավալները շարունակում են արձանագրվել Ռուսաստանի ուղղությամբ։ Վերոնշյալ ժամանակահատվածում Ռուսաստանից Հայաստան ներմուծման ծավալներն աճել են 16.62%-ով կամ 381.02 մլն դոլարով և կազմել 2.674 մլրդ դոլար։ Ռուսաստանին բաժին է ընկնում ներմուծման 27.7%-ը։ Երկրորդը Չինաստանն է՝ 817.81 մլն դոլար, +44.56% կամ 252.1 մլն դոլար։ Չինաստանին բաժին է ընկնում ներմուծման 8.47%-ը։ Եռյակը եզրափակում է Վրաստանը՝ 773.13 մլն դոլար, +45.96% կամ 243.46 մլն դոլար։ Վրաստանին բաժին է ընկնում ներմուծման 8.01%-ը։