Forbes-ի բաժնետոմսերի մեծ մասը $656 միլիոնով գնել է միլիարդատեր Օսթին Ռասելը Luminar-ի հիմնադիր և գործադիր տնօրեն Օսթին Ռասելը հայտարարել է Հոնկոնգում գործող Integrated Whale Media Investments (IWM) հետ Forbes Global Media Holdings-ի բաժնետոմսերի մեծամասնությունը ձեռք բերելու համաձայնագրի մասին,- գրում է fintech.am-ը։ Գործարքի շրջանակում Forbes Global Media Holdings-ը, որը վերահսկում է ամերիկյան Forbes USA ֆինանսատնտեսական ամսագիրը, գնահատվում է մոտավորապես $800 մլն: Ռասելը կստանա հոլդինգի 82% բաժնեմասը։ Այսպիսով, գործարքի արժեքը կազմել է $656 մլն։ Պաշտոնական հայտարարության մեջ ասվում է, որ Forbes հարթակը շահութաբեր է և ակտիվորեն ընդլայնվում է մի քանի ոլորտներով՝ անշարժ գույքից մինչև ֆինանսական ծառայություններ: Գործարքը կօգնի ընկերությանը վերածել տեխնոլոգիական բիզնեսի, ինչն ակնկալվում է, որ կօգնի արագացնել աճը ներկայիս մակրոտնտեսական միջավայրում: Նախատեսվում է, որ ակտիվների փոխանցումը կավարտվի մինչև 2023 թվականի վերջ՝ կարգավորող մարմիններից անհրաժեշտ թույլտվություններ ստանալուց հետո և այլ ստանդարտ պահանջների պահպանման պայմանով ։