Բյուջեի հարցերով եվրահանձնակատար Յոհաննես Հանը հայտարարել է, որ Եվրահանձնաժողովը Ուկրաինային կտրամադրի 400 միլիոն եվրոյի չափով օգնություն, այս մասին նա հայտարարել է Եվրախորհրդարանի նիստում,- փոխանցում է РИА Новости-ն։ Այդ գումարից 145 մլն-ը կուղղվի մարդասիրական օգնությանը, ասել է նա։
Ավելի վաղ Սպիտակ տան մամուլի քարտուղարի տեղակալ Օլիվիա Դալթոնը հայտարարել էր, որ ԱՄՆ իշխանությունները մոտ ապագայում կարող են հայտարարել Ուկրաինային նոր ռազմական օգնության մասին։Դալթոնի խոսքով ՝ ԱՄՆ կառավարությունը մշտապես կապի մեջ է ուկրաինական կողմի հետ ՝ մարտի դաշտում նրանց կարիքների վերաբերյալ։ ԱՄՆ նախագահ Ջո Բայդենը հայտարարել է, որ պատրաստվում է Ուկրաինայի առաջնորդ Վլադիմիր Զելենսկու հետ քննարկել Ուկրաինայի կողմից պահանջվող զենքի մատակարարումը։ Մինչ այս ԱՄՆ տրանսպորտային հրամանատարությունը հայտնել էր, որ Վաշինգտոնը Կիև է ուղարկել Bradley հետևակի առաջին 60 մարտական մեքենաները։ Բայդենը նաև ասել է, որ Վաշինգտոնը Ուկրաինային կործանիչներ չի մատակարարի։
JavaScript seems to be disabled in your browser. You must have JavaScript enabled in your browser to utilize the functionality of this website.
